مارچ کے جوابات
1۔محترم بزرگ حاجی تاج محمد خان صاحب آپ کا مسئلہ زیادہ سنگین نہیں ہے۔ میرا تعلق بھی طب سے ہی ہے اور میںنے ان امراض میں عبقری کی ایک دوا ستر شفائیں سے زیادہ مفید کوئی دوا نہیں دیکھی۔ میں نے یہ دوا کئی مریضوں پر آزمائی ہے اور ہمیشہ رزلٹ سو فیصد ملے ہیں۔ آپ بھی بے فکر ہوکر عبقری کے دفتر سے ”سترشفائیں“ لے کر صرف تین ڈبیاں استعمال کریں۔ انشاءاللہ آپ کے مثانے کے غدود (پروسٹیٹ ورم) کا عارضہ ختم ہوجائے گا۔(محمدقاسم‘ نوشہرہ)
2۔ آپ اپنے اخلاق اور صبر سے اپنے شوہر کو مسخر کریں۔ اخلاق میں ایسی طاقت ہے کہ سخت سے سخت دل موم ہوجاتا ہے۔ ان کے گھر والوں کا خیال رکھیں اور خلوص سے ان کی خدمت کریں۔ بہت جلد آپ اپنے شوہر میں تبدیلی محسوس کریں گی۔ (ساجدہ آصف‘ راولپنڈی)
2۔ بہن آپ بہت کثرت سے درود شریف پڑھیں۔ بہت زیادہ آزمودہ ہے۔ سخت سے سخت طبیعت بھی مائل ہوجاتی ہے لیکن شرط یہ ہے کہ پورے یقین سے پڑھیں۔ انشاءاللہ بہت جلد آپ کے شوہر کو آپ سے محبت ہوجائےگی۔(شفیق‘ قصور)
3۔اسلم بھائی! آپ ماہنامہ عبقری کے دفتر سے دم کیا ہوا شہد منگوا کر پابندی سے استعمال کریں۔ ہمارے ہاں بھی اولاد نہیں تھی میرے شوہر نے بھی دم کیا ہوا شہد استعمال کیا۔ اللہ پاک نے اپنی خصوصی رحمت کردی اور اب میں ایک چاند سی بیٹی کی ماں ہوں۔ (شمائلہ پروین‘ لاہور)
4۔ محترمہ آپ کے ساتھ جو مسئلہ ہے ۔ آج سے دو سال پہلے یہی مسئلہ میرے ساتھ بھی تھا۔ میرا بھی پورا جسم سمارٹ تھا لیکن کولہے اور رانوں پر بہت زیادہ چربی تھی جس کی وجہ سے میں بہت زیادہ شرمندگی محسوس کرتی تھی۔لیکن پھر میں نے حب کبرنوشادری‘ جوارش کمونی اور جوارش جالینوس مستقل پانچ ماہ استعمال کی اور جو پرہیز لکھا گیا تھا وہی سختی سے کیا۔ اللہ نے کرم کیا اوربہت زبردست رزلٹ ملے۔ الحمدللہ اب میں بالکل تندرست ہوں۔ (پروفیسر شاہین‘ رحیم یار خان)
اپریل کے سوالات
1۔میرا قارئین سے سوال ہے کہ اکثر لوگوں کے پیٹ میں پانی پڑجاتا ہے ڈاکٹر اسے لاعلاج قرار دے دیتے ہیں۔ اگر علاج ہے بھی تو بھی بہت کٹھن لیکن شفاءیابی کی مکمل امید نہیں ہوتی اور مکمل کورس کے بعددو تین ماہ کے اندر اندر مرض پھر سر اٹھا لیتا ہے۔ میری والدہ بھی اسی مرض کی وجہ سے اس دنیا سے رخصت ہوگئیں اور میرے ماموں بھی۔ کیا اس کیلئے آپ کے پاس کوئی نسخہ نہیں ہے جس کی وجہ سے پانی پیٹ سے خشک ہوجائے اور اگر ہے تو مہربانی فرما کر بتلا دیں۔
(شبیراحمد صدیقی‘ گوجرانوالہ کینٹ)
2۔ بندہ مزدوری کیلئے ملک سے باہر جانا چاہتا ہے۔ گھریلو پریشانیاں اور تنگدستی ہے‘ بہت پریشان ہوں۔ کوئی سبب نہیں بن رہا۔ مہربانی فرما کر کوئی وظیفہ بتادیں۔
(عبدالجبار بابر‘ منڈی بہائوالدین)
3۔ماہنامہ عبقری کا شمارہ ملا۔ اچھی کوشش تھی‘ شمارے میں قارئین کے سوال قارئین کے جواب پر نظر پڑی۔ میرا بھی قارئین سے سوال ہے کہ میں طویل عرصہ سے بیروزگار ہوں صحت بہت گرچکی ہے‘ لگتا ہے میری مشکلات ختم نہ ہونگی۔ کبھی کبھی کپڑوں پر خون کے دھبے یا نشان نظر آتے ہیں۔ غالباً کچھ حاسد رشتہ داروں کی ریشہ روانیاں ہیں۔ اگر میرے مسائل حل ہوگئے تو احسان مند رہوں گا۔ مفت روحانی تحفہ بھی ارسال کریں۔ مجھے اس کی اشد ضرورت ہے۔ (فرحان ظفر)
4۔قارئین! میرا سوال یہ ہے کہ میری والدہ کے گھٹنوں میں بہت شدید درد رہتا ہے۔ چلنے پھرنے میں بہت زیادہ تکلیف ہوتی ہے۔ کھڑے یا بیٹھ کر نماز نہیں پڑھ سکتیں۔ ہم نے بہت علاج معالجے کروائے لیکن خاطر خواہ فائدہ نہیں ہوا۔ جس کی وجہ سے ہم سب گھر والے بہت پریشان ہیں۔ براہ مہربانی اگر کسی بہن یا بھائی کے پاس کوئی طبی یاروحانی نسخہ ہے تو عبقری کو ارسال کردیں۔ساری زندگی دعائیں دیں گے۔ (شہناز سلیم جڑانوالہ‘ فیصل آباد)
٭٭٭٭٭٭٭٭٭
حضرت حکیم محمد طارق محمود مجذوبی چغتائی (دامت برکاتہم) فاضل طب و جراحت ہیں اور پاکستان کونسل سے رجسٹرڈ پریکٹیشنز ہیں۔حضرت (دامت برکاتہم) ماہنامہ عبقری کے ایڈیٹر اور طب نبوی اور جدید سائنس‘ روحانیت‘ صوفی ازم پر تقریباً 250 سے زائد کتابوں کے محقق اور مصنف ہیں۔ ان کی کتب اور تالیفات کا ترجمہ کئی زبانوں میں ہوچکا ہے۔ حضرت (دامت برکاتہم) آقا سرور کونین ﷺ کی پُرامن شریعت اور مسنون اعمال سے مزین، راحت والی زندگی کا پیغام اُمت کو دے رہے ہیں۔
مزید پڑھیں
